തിരുവനന്തപുരം: സംസ്ഥാനത്തെ 170 പ്രദേശങ്ങളില് ആക്രമണകാരികളായ തെരുവ് നായകള് ഉണ്ടെന്ന് മൃഗസംരക്ഷണ വകുപ്പിന്റെ റിപ്പോര്ട്ട്. ഇതിന്റെ അടിസ്ഥാനത്തില് ഈ 170 പ്രദേശങ്ങളെ മൃഗസംരക്ഷണ വകുപ്പ് ഹോട്ട്സ്പോട്ടായി പ്രഖ്യാപിച്ചു. നായകളുടെ കടിയേറ്റ് ചികിത്സ തേടിയവരുടെ എണ്ണത്തിന്റെ അടിസ്ഥാനത്തിലാണ് ഹോട്ട്സ്പോട്ട് തെരഞ്ഞെടുത്തിരിക്കുന്നത്.
കടിയേറ്റ് ചികിത്സക്കെത്തിയവരുടെ പ്രതിമാസ കണക്കില് പത്തോ അതില് കൂടുതലോ കേസുകള് റിപ്പോര്ട്ട് ചെയ്ത ഇടങ്ങളെയാണ് ഈ വിഭാഗത്തില് ഉള്പ്പെടുത്തിയത്. ജനുവരി മുതല് ഓഗസ്റ്റ് വരെയുള്ള റിപ്പോര്ട്ടിന്റെ അടിസ്ഥാനത്തിലാണിത്.തിരുവനന്തപുരത്താണ് ഏറ്റവും കൂടുതല് ഹോട്ട്സ്പോട്ടുകള് കണ്ടെത്തിയിരിക്കുന്നത്. ജില്ലയില് നിന്ന് 28 പ്രദേശങ്ങളാണ് പട്ടികയിലുള്ളത്. ഇതില് 17 ഇടങ്ങളില് ചികിത്സ തേടിയെത്തിയവരുടെ എണ്ണം നൂറില് കൂടുതലാണ്