വെഞ്ഞാറമൂട് :വെഞ്ഞാറമൂട്ടിൽ ആംബുലൻസ് ബൈക്കിൽ ഇടിച്ചു അപകടം. അപകടം ബൈക്കിൽ സഞ്ചരിച്ചു വന്ന യുവാവ് മരിച്ചു. കൂടെ ഉണ്ടായിരുന്ന മകൾക്ക് ഗുരുതര പരിക്ക്.പിരപ്പൻകോട് പ്ലാവിള വീട്ടിൽ ഷിബു (35 ) ആണ് മരിച്ചത്. മകൾ അലംകൃത (4) പരിക്കുകളോടെ ആശുപത്രിയിൽ ചികിത്സയിലാണ്. ഇന്ന് രാവിലെ 6: 30ന് വെഞ്ഞാറമൂട് മുസ്ലിം പള്ളിക്ക് സമീപമാണ് അപകടമുണ്ടായത്. രോഗിയുമായി ഇടുക്കിയിൽ പോയി മടങ്ങിവന്ന ആംബുലൻസ് ആണ് അപകടത്തിൽ പെട്ടത് . റോഡിന് ഒരു വശത്തേക്ക് ബൈക്ക് നിർത്തി ഇറങ്ങാൻ നിന്ന സമയം അമിത വേഗതയിൽ എത്തിയ ആംബുലൻസ് ബൈക്കിലേക്ക് ഇടിച്ചു കയറുകയായിരുന്നു എന്നാണ് വിവരം. അപകടത്തിൽ ഗുരുതരമായി പരിക്കേറ്റ ഷിബുവിനെയും മകളെയും മെഡിക്കൽ കോളേജ് ആശുപത്രിയിൽ എത്തിയെങ്കിലും ഷിബു മരണപ്പെട്ടു.