തിരുവനന്തപുരം: വനിതാദിനത്തിൽ കഥക് നർത്തകി ഡോ. പാലി ചന്ദ്രയും ശിഷ്യകളും ചേർന്ന് പുളിയറക്കോണം മൈലമൂട് പ്രദേശത്ത് കരമനയാറിന്റെ കൈവഴിയിലെ പ്ലാസ്റ്റിക് മാലിന്യങ്ങൾ ഉൾപ്പെടെയുള്ളവ നീക്കി മാതൃകയായി.
പ്ലാസ്റ്റിക് മാലിന്യം ഒഴിവാക്കുന്നതിന് പൊതുജനങ്ങൾക്കിടയിൽ അവബോധം സൃഷ്ടിക്കാൻ വിളപ്പിൽ പഞ്ചായത്ത് പ്രസിഡന്റ് ലില്ലി മോഹനും അംഗം സൂസി ബീനയും ഒപ്പം ചേർന്നു.
രാവിലെ 8 മുതൽ പാലി ചന്ദ്രയും ശിഷ്യരായ മൈഥിലി പട്ടേലും,ജാനകി തോറാട്ടും, ജൂലിയയും, വൃന്ദ ഭാൻഡുലയും, സ്വരശ്രീ ശ്രീധറും നാട്യസൂത്ര ഓൺലൈൻ ഡോട്ട് കോം പ്രവർത്തകരും ഉദ്യമത്തിൽ പങ്കാളികളായി. ഒരു കിലോമീറ്റർ ദൂരത്തിൽ പുഴയുടെ ഇരുവശവും വൃത്തിയാക്കി.