തിരുവനന്തപുരം: പ്രായ പൂർത്തിയാകാത്ത വിദ്യാർത്ഥിനിയുടെ വീട്ടിൽ നിന്നും സ്വർണ്ണാഭരണങ്ങൾ കവർച്ച ചെയ്ത ശേഷം തട്ടിക്കൊണ്ട് പോയി പീഡിപ്പിച്ച കേസിൽ 3 പേരെ പോലീസ് പിടികൂടി.
കൃഷ്ണ പ്രസാദ് (20), ഷാരൂഖ് (20) എന്നിവരേയും, ഇവർക്ക് ഒളിവിൽ പോകാൻ സഹായം ചെയ്ത ഫിസ (18) യെയുമാണ് പേരൂർക്കട പോലീസ് അറസ്റ്റ് ചെയ്തത്.
ബംഗലുരുവിലിലേക്ക് കടക്കാൻ ശ്രമിച്ച പ്രതികളെ റെയിൽവേ പോലീസിന്റെ സഹായത്തോടെ കോട്ടയത്ത് നിന്നാണ് പോലീസ് പിടികൂടിയത്.
പേരൂര്ക്കട പോലീസ് സ്റ്റേഷന് എസ്.എച്ച്.ഒ സൈജുനാഥ്, എസ്.ഐ മാരായ മുരളീകൃഷ്ണ, രജീഷ്, എസ്.സി.പി. ബൈജു, സി.പി.ഒ ഷീജ എന്നിവരാണ് അന്വേഷണത്തിനും അറസ്റ്റിനും ഉണ്ടായിരുന്നത്.