വിതുര : സ്ത്രീകളെ കൈയേറ്റം ചെയ്തത് ഉൾപ്പെടെയുള്ള കേസുകളിൽ പ്രതിയായ പിടികിട്ടാപ്പുള്ളി അറസ്റ്റിൽ. വിതുര മക്കി വട്ടക്കുഴി തടത്തരികത്തുവീട്ടിൽ കൊച്ചുകുട്ടൻ എന്നുവിളിക്കുന്ന അജയ(38)നാണ് പിടിയിലായത്.
മദ്യപിച്ച് സ്ഥിരമായി ബഹളമുണ്ടാക്കുകയും സ്ത്രീകളെ ഉപദ്രവിക്കുകയും ചെയ്യുമായിരുന്ന ഇയാൾ നിരവധി കേസുകളിൽ പ്രതിയാണ്. ജാമ്യത്തിലിങ്ങി ഒളിവിൽപ്പോയ ഇയാളെ 2020-ൽ കോടതി പിടികിട്ടാപ്പുള്ളിയായി പ്രഖ്യാപിച്ചു.
മലയിൻകീഴ് ശാന്തമ്മൂല എന്ന സ്ഥലത്ത് ഒളിവിൽ കഴിയവേ ഡിവൈ.എസ്.പി. സ്റ്റുവർട്ട് കീലറുടെ നിർദേശപ്രകാരം വിതുര സി.ഐ. എസ്.അജയ് കുമാറിന്റെ നേതൃത്വത്തിലുള്ള അന്വേഷണസംഘമാണ് പ്രതിയെ അറസ്റ്റു ചെയ്തത്.