വർക്കല :വർക്കലയിൽ യോഗ സെന്ററിൽ തീപിടിത്തം. യോഗ ഹാൾ പൂർണമായും കത്തിനശിച്ചു. വർക്കല ഹെലിപാഡ് നോർത്ത് ക്ലിഫിൽ പ്രവർത്തിക്കുന്ന ഹിൽ വ്യൂ റിസോർട്ടിലെ യോഗ സെന്ററിൽ ആണ് രാവിലെ 8.45ഓടെ തീപിടിത്തമുണ്ടായത്.
വിദേശികൾ ഉൾപ്പെടെ നിരവധി പേർ ഈ സമയം യോഗ ചെയ്യാനായി ഇവിടെയുണ്ടായിരുന്നു. തീ പടർന്നുപിടിക്കുന്നത് കണ്ടതോടെ ഇവർ ഓടി രക്ഷപ്പെടുകയായിരുന്നു.
വിവരം അറിഞ്ഞ് വർക്കല ഫയർ ആൻഡ് റസ്ക്യൂ ടീമിന്റെ രണ്ട് യൂണിറ്റ് സ്ഥലത്തെത്തി തീയണച്ചു.