തിരുവനന്തപുരം മെഡിക്കല്‍ കോളേജ് നല്‍കിയിട്ടുള്ളത് ചരിത്രപരമായ സംഭാവന: ശശി തരൂര്‍ എംപി

IMG_20261122_205916_(1200_x_628_pixel)

തിരുവനന്തപുരം: തിരുവനന്തപുരം മെഡിക്കല്‍ കോളേജ് നല്‍കിയിട്ടുള്ളത് ചരിത്രപരമായ സംഭാവനയാണെന്ന് ശശി തരൂര്‍ എംപി. കേരളത്തിന്‍റെ ആധുനിക വൈദ്യശാസ്ത്രത്തിന്‍റെ അടിത്തറയാണ് തിരുവനന്തപുരം മെഡിക്കല്‍ കോളേജ്.

മെഡിക്കല്‍ വിദ്യാഭ്യാസത്തിലും ചികിത്സയിലും മെഡിക്കല്‍ കോളേജ് പ്രശസ്തമാണെന്നും ശശി തരൂര്‍ എംപി പറഞ്ഞു. തിരുവനന്തപുരം മെഡിക്കൽ കോളേജ് പ്ലാറ്റിനം ജൂബിലി കൺവെൻഷന്‍റെ സമാപനച്ചടങ്ങിൽ സംസാരിക്കുകയായിരുന്നു എംപി.

ഹിസ് ഹൈനെസ് പ്രിൻസ് ആദിത്യ വർമ്മ മുഖ്യാതിഥിയായി.തിരുവനന്തപുരം മെഡിക്കൽ കോളേജ് പ്ലാറ്റിനം ജൂബിലി കൺവെൻഷൻ 2026-ന് സമാപനമായി. മൂന്നാം ദിവസമായ നവംബർ 22ന് തിരുവനന്തപുരം മെഡിക്കൽ കോളേജ് ഡയമണ്ട് ജൂബിലി ഓഡിറ്റോറിയത്തിൽ വിവിധ ശാസ്ത്രീയ സെഷനുകളും പ്രഭാഷണങ്ങളും ചർച്ചകളും നടന്നു.

വൈദ്യശാസ്ത്ര ഗവേഷണം, നൂതന ചികിത്സാരീതികൾ, കാൻസർ ചികിത്സ, ശസ്ത്രക്രിയാ രംഗത്തെ സാങ്കേതിക മുന്നേറ്റങ്ങൾ തുടങ്ങിയ വിഷയങ്ങൾ സമ്മേളനം ചർച്ച ചെയ്തു. തിരുവനന്തപുരം മെഡിക്കൽ കോളേജ് അലുമ്നി അസോസിയേഷൻ (TMCAA), ടീച്ചേഴ്സ് അസോസിയേഷന്‍, സ്റ്റുഡന്‍സ് യൂണിയന്‍ എന്നിവര്‍ സംയുക്തമായാണ് പരിപാടി സംഘടിപ്പിച്ചത്.

ഡോ. പി.കെ.ആർ. വാര്യർ സെഷനിൽ പ്രൊഫ. തങ്കവേലു മെമ്മോറിയൽ ഓറേഷനില്‍ മെഡിക്കൽ കോളേജിലെ ഗ്യാസ്‌ട്രോഎൻട്രോളജി മുൻ പ്രൊഫസര്‍ ഡോ. എം. നരേന്ദ്രനാഥൻ പ്രഭാഷണം നടത്തി. രോഗനിർണയത്തിനും ചികിത്സയ്ക്കുമുള്ള ജീനുകളുടെ പ്രാധാന്യത്തെക്കുറിച്ച് ഡോ. ശങ്കർ വി.എച്ച്. സംസാരിച്ചു. നൂതന ആരോഗ്യ ഉപകരണങ്ങൾ, ഹെയർ ട്രാൻസ്‌പ്ലാന്റേഷൻ, തിമിര ശസ്ത്രക്രിയ എന്നീ വിഷയങ്ങളിൽ ഡോ. നിധിൻ രാജ്, ഡോ. നിരഞ്ജന രാജ്, ഡോ. സ്വപ്ന നായർ എന്നിവർ പ്രഭാഷണങ്ങൾ നടത്തി.

ഡോ. ലീലാമണി അംബ്രോസ് സെഷനിൽ ശസ്ത്രക്രിയയിലെ റോബോട്ടിക്സ് എന്ന വിഷയത്തിൽ ഡോ. സുധീന്ദ്രൻ പ്രഭാഷണം നടത്തി. മെഡിക്കല്‍ കോളേജിലെ ആദ്യ വിദ്യാര്‍ത്ഥിയും മെഡിസിന്‍ വിഭാഗം പ്രൊഫസറുമായിരുന്ന പ്രൊഫ. കെ.വി. കൃഷ്ണദാസ് (കെ.വി.കെ.) ലിവിങ് ലെജൻഡ് ഓറേഷനിൽ അപ്പോളോ ഹോസ്പിറ്റലിലെ ലെഫ്റ്റനന്റ് ജനറൽ (ഡോ.) വേലു നായർ പ്രഭാഷണം നടത്തി. പ്രൊഫ. കെ.വി. കൃഷ്ണദാസും സന്നിഹിതനായി. ചർമ്മം മാറ്റിവയ്ക്കൽ ചികിത്സയിലെ പുരോഗതിയെക്കുറിച്ച് പ്രൊഫ. നന്ദകുമാർ സംസാരിച്ചു.

ഡോ. കെ. ലളിത സെഷനിൽ യുകെയിലെ ഡോ. ബിജു ബാഹുലേയൻ നായര്‍, ഡോ. തോമസ് വർഗീസ്, ഡോ. റോഷ്നി ശ്യാം എന്നിവര്‍ സംസാരിച്ചു.

സ്തനാർബുദ ചികിത്സയിലെ പുതിയ മാറ്റങ്ങളെക്കുറിച്ച് ആര്‍സിസി സർജിക്കൽ ഓങ്കോളജി മുൻ മേധാവി ഡോ. പോൾ അഗസ്റ്റിൻ, ഗർഭകാല പരിചരണത്തെക്കുറിച്ച് മഞ്ചേരി മെഡിക്കൽ കോളേജിലെ പ്രൊഫസർ ഡോ. സതി എം.എസ്., റിഫ്ലക്സ് രോഗ ചികിത്സയെപ്പറ്റി യുകെയിലെ ഡോ. വിനോദ് മേനോൻ എന്നിവർ പ്രഭാഷണം നടത്തി. തുടർന്ന് ജനറൽ ബോഡി യോഗം ചേര്‍ന്നു. ഇതോടെ മൂന്ന് ദിവസങ്ങളിലായി സംഘടിപ്പിച്ച പ്ലാറ്റിനം ജൂബിലി കൺവെൻഷന് സമാപനമായി.

അലുമ്നി അസോസിയേഷന്‍ പ്രസിഡന്‍റ് ഡോ. സി. ജോണ്‍ പണിക്കര്‍, ആരോഗ്യ സർവകലാശാല വൈസ് ചാൻസലർ ഡോ. മോഹനൻ കുന്നുമ്മൽ, ശ്രീചിത്ര ഡയറക്ടര്‍ ഡോ. സഞ്ജയ് ബഹ്റ, മെഡിക്കല്‍ കോളേജ് പ്രിന്‍സിപ്പല്‍ ‍ഡോ. രഞ്ജു രവീന്ദ്രന്‍, അലുമ്നി അസോസിയേഷന്‍ സെക്രട്ടറി ഡോ. കവിത രവി, ഡോ. കെ.എ. കുമാര്‍, ഡോ. എം.കെ.സി. നായര്‍ എന്നിവര്‍ സംസാരിച്ചു.

Facebook
Twitter
LinkedIn
Telegram
WhatsApp
Print
Facebook
Twitter
Telegram
WhatsApp
Search

Latest News

More Popular

error: Content is protected !!