തിരുവനന്തപുരം: പൊങ്കാല മഹോത്സവത്തിന്റെ മൂന്നാം നാളായ ഇന്ന് ആറ്റുകാൽ ക്ഷേത്രത്തിൽ കുത്തിയോട്ടവ്രതം ആരംഭിക്കും. ദേവീദാസൻമാരാകൻ 743 ബാലൻമാരാണ് രാവിലെ മുതലാണ് വ്രതം നോറ്റുതുടങ്ങുക.
പൊങ്കാലയ്ക്ക് ക്ഷേത്രകുളത്തിൽ കുളിച്ച് ഈറനണിഞ്ഞ് വരിയായി കുത്തിയോട്ട ബാലൻമാർ ദേവീസന്നിധിയിലെത്തും. പളളിപ്പലകയിൽ 7 വെള്ളിനാണയങ്ങൾ വച്ച് മേൽശാന്തിക്കു ദക്ഷിണ നൽകി അനുഗ്രഹം വാങ്ങിയാണ് കുത്തിയോട്ട അനുഷ്ഠാനത്തിലേക്ക് ബാലന്മാർ കടക്കുക.
10 മുതൽ 12 വയസു വരെയുള്ള ബാലന്മാരാണ് ഈ അനുഷ്ഠാനത്തിൽ പങ്കെടുക്കുന്നത്. ഇനിയുള്ള 7 ദിനം ഇവർ ക്ഷേത്രത്തിൽ താമസിക്കും. എന്നും പുലർച്ചെ ഉണർന്ന് ക്ഷേത്രക്കുളത്തിൽ കുളിച്ച് ഈറനണിഞ്ഞു ദേവീനാമജപത്തോടെ ക്ഷേത്രം വലം വയ്ക്കുന്ന ഇവർ തുടർന്നു ദേവിയെ നമസ്കരിക്കും