വര്‍ക്കല: പാപനാശം ഏണിക്കല്‍ ബീച്ചില്‍ തിരയില്‍പ്പെട്ട് യുവാവ് മരിച്ചു. കോട്ടയം നാട്ടകം സ്വദേശി റിയാദ് പൗലോസ് ജേക്കബ് (35) ആണ് മരിച്ചത്. ഞായറാഴ്ച രാവിലെ പത്ത് മണിയോടെയായിരുന്നുന സംഭവം. നാല് കൂട്ടുകാര്‍ക്കൊപ്പം കടലില്‍ കുളിക്കാനിറങ്ങിയപ്പോള്‍ തിരയില്‍പ്പെടുകയായിരുന്നു.
ഒപ്പമുണ്ടായിരുന്നവര്‍ ചേര്‍ന്ന് റിയാദിനെ കരയിലെത്തിച്ച് സിപിആർ നൽകി. തുടര്‍ന്ന് അഗ്നിരക്ഷാ സേനയും ടൂറിസം പോലീസും സ്ഥലത്തെത്തി വർക്കല താലൂക്ക് ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. കഴിഞ്ഞ ദിവസമാണ് റിയാദ് സുഹൃത്തുക്കൾക്കൊപ്പം വർക്കലയിൽ എത്തിയത്
