വിതുര : ഉത്സവത്തിന്റെ ഭാഗമായി ദീപാലങ്കാരം ഒരുക്കുന്നതിനിടെ വൈദ്യുതാഘാതമേറ്റ് ലൈറ്റ് ആൻഡ് സൗണ്ട്സ് ജീവനക്കാരൻ മരിച്ചു.
വിതുര തച്ചരുകാല ചൂലാ മരുതുംമൂട് തടത്തരികത്തുവീട്ടിൽ മധുസൂദനന്റെയും ഇന്ദിരയുടെയും മകൻ മനുലാൽ(29) ആണ് മരിച്ചത്.
വെള്ളിയാഴ്ചയായിരുന്നു സംഭവം. പെരിങ്ങമ്മല തെന്നൂർ ശക്തി സൗണ്ട്സിലെ ജീവനക്കാരനായ ഇയാൾക്ക് തൊളിക്കോട് പുളിച്ചാമലയിലെ ഒരു ക്ഷേത്രത്തിലെ ഉത്സവത്തിന്റെ ഭാഗമായി ദീപാലങ്കാരം ഒരുക്കുന്നതിനിടെയാണ് ഷോക്കേറ്റത്.
ഉടൻതന്നെ തൊട്ടടുത്ത ആശുപത്രിയിലും തുടർന്ന് മെഡിക്കൽ കോളേജിലും എത്തിച്ചെങ്കിലും ജീവൻ രക്ഷിക്കാനായില്ല.