തിരുവനന്തപുരം: തിരുവനന്തപുരം-റിയാദ് റൂട്ടിൽ യാത്രാദുരിതം അവസാനിക്കുന്നു. പുതിയ സർവ്വീസുമായി എയർ ഇന്ത്യ എക്സ്പ്രസ്സ്.
എയര്‍ ഇന്ത്യ എക്സ്പ്രസ് തിരുവനന്തപുരത്ത് നിന്ന് റിയാദിലേക്കും തിരികെയും സര്‍വീസ് നടത്തും. സെപ്തംബര്‍ 9 മുതലാണ് സര്‍വീസ് തുടങ്ങുക. അന്ന് വൈകിട്ട് 5.55ന് തിരുവനന്തപുരത്ത് നിന്ന് പുറപ്പെടുന്ന ഐ എക്സ് 522 വിമാനം രാത്രി 10.40ന് റിയാദ് കിങ് ഖാലിദ് വിമാനത്താവളത്തിലെത്തും.
തിരികെ അന്ന് രാത്രി 11.40ന് റിയാദില്‍ നിന്ന് പുറപ്പെടുന്ന വിമാനം പിറ്റേന്ന് രാവിലെ 7.30ന് തിരുവനന്തപുരത്തെത്തും. എല്ലാ തിങ്കളാഴ്ചകളിലും സര്‍വീസുണ്ടാകും. തിരുവനന്തപുരത്തിനോട് അടുത്തുള്ള പ്രദേശങ്ങളിലെ പ്രവാസികള്‍ക്ക് വലിയ ആശ്വാസമാകുന്നതാണ് പുതിയ സര്‍വീസ്.
