ശ്രീകാര്യം : ശ്രീകാര്യം മേൽപ്പാലം നിർമാണത്തിന്റെ ഭാഗമായി കോൺക്രീറ്റ് പണി നടക്കുന്നതിനിടെ യന്ത്രത്തിന്റെ ഭാഗം തലയിൽ വീണ് അതിഥിത്തൊഴിലാളി മരിച്ചു.
പശ്ചിമബംഗാൾ ജൽപാൽഗുരി സ്വദേശി ബികാസ് റോയ് (35)ആണ്‌ മരിച്ചത്. വ്യാഴാഴ്ച പുലർച്ചെ 3.30-ഓടെ കല്ലമ്പള്ളിക്കു സമീപമായിരുന്നു അപകടം.
സർവീസ് റോഡ് നിർമിക്കുന്നതിന്റെ ഭാഗമായി സംരക്ഷണഭിത്തി നിർമിക്കുന്നതിനിടെ കോൺക്രീറ്റ് നിറയ്ക്കുന്ന ബൂം പ്ലൈസർ പമ്പ് തലയിൽ വീഴുകയായിരുന്നു. ഗുരുതരമായി പരിക്കേറ്റ ബികാസിനെ മെഡിക്കൽ കോളേജ് ആശുപത്രിയിൽ എത്തിച്ചെങ്കിലും രക്ഷിക്കാനായില്ല.
