പാലോട്: സ്കൂട്ടറില് യാത്ര ചെയ്യവേ മരക്കൊമ്പ് വീണ് യുവാവ് മരിച്ചു. ബന്ധു ഓടിച്ച സ്കൂട്ടറില് പിന് സീറ്റില് ഇരുന്ന് യാത്ര ചെയ്യുന്നതിനിടെയാണ് സംഭവം.
ഇടിഞ്ഞാര് കല്യാണിക്കരികത്ത് ഷൈജു (47) ആണ് മരിച്ചത്.
സുഹൃത്തിന്റെ മകളുടെ വിവാഹ റിസപ്ഷനില് പങ്കെടുത്ത് വീട്ടിലേയ്ക്ക് മടങ്ങവേയാണ് സംഭവം .
ബന്ധുവായ ജോയി ഓടിച്ചിരുന്ന ടൂ വീലറില് പിന്സീറ്റ് യാത്രക്കാരനായിരുന്ന ഷൈജുവിന്റെ തലയിലാണ് മരം ഒടിഞ്ഞു വീണത്.
പാലോട് – ഇടിഞ്ഞാര് റോഡില് ഇന്നലെ രാത്രി 10.30 മണിയോടെയാണ് അപകടം. ബ്രൈമൂര് – പാലോട് റൂട്ടില് മുല്ലച്ചല് വളവിലാണ് അപകടം ഉണ്ടായത്.
റോഡുവക്കില് ഉണങ്ങി നിന്ന മാഞ്ചിയം മരം ഒടിഞ്ഞു സ്കൂട്ടര് യാത്രികനായ യുവാവിന്റെ തലയില് വീഴുകയായിരുന്നു.
തല പൊട്ടി റോഡില് വീണ ഷൈജുവിനെ ഉടന് തന്നെ വനം വകുപ്പ് ഉദ്യോഗസ്ഥരും നാട്ടുകാരും ചേര്ന്ന് പാലോട് ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല
