തിരുവനന്തപുരം: എകെജി സെന്റര് ആക്രമിച്ച കേസില് പ്രതി യൂത്ത് കോണ്ഗ്രസ് പ്രവര്ത്തകന് ജിതിന് ജാമ്യം. ഹൈക്കോടതിയുടേതാണ് ഉത്തരവ്. ജസ്റ്റിസ് ബിജു എബ്രഹാമിന്റെ ബെഞ്ചിന്റേതാണ് ജാമ്യം നല്കിക്കൊണ്ടുള്ള വിധി. ഉപാധികളോടെയാണ് പ്രതിക്ക് കോടതി ജാമ്യം അനുവദിച്ചിരിക്കുന്നത്.
കേസില് ആറ്റിപ്ര മണ്ഡലം യൂത്ത് കോണ്ഗ്രസ് പ്രഡിഡന്റ് ജിതിനെ കഴിഞ്ഞ മാസം 22നാണ് ക്രൈംബ്രാഞ്ച് അറസ്റ്റ് ചെയ്തത്.കഴിഞ്ഞ ജൂണ് മുപ്പതിന് രാത്രിയാണ് എകെജി സെന്ററിന് നേരെ ആക്രമണം നടന്നത്. ഒളിവില് കഴിയുന്ന മറ്റ് രണ്ട് പേര്ക്കായി ക്രൈംബ്രാഞ്ച് ലുക്ക് ഔട്ട് നോട്ടീസ് പുറപ്പെടുവിച്ചിരുന്നു.