തിരുവനന്തപുരം: ഭാര്യ പിണങ്ങിപ്പോയതിനെ തുടർന്ന് ഭാര്യാമാതാവിന്റെ വീടിനുനേരേ പടക്കമെറിഞ്ഞ യുവാവ് പിടിയിൽ. ചിറയിൻകീഴ് കിഴുവിലം ചെറുവള്ളിമുക്ക് കാടായിക്കോണം പള്ളിക്ക് സമീപം അക്കരവീട്ടിൽ കവിതയുടെ വീട്ടിലേക്കാണ് പടക്കമെറിഞ്ഞത്.ബുധനാഴ്ച രാത്രി ഏഴരയോടെയാണ് സംഭവം. സംഭവത്തിൽ വീടിന്റെ മുൻവശത്തെ കതക് കത്തിനശിച്ചു. വീടിനു കേടുപാട് സംഭവിച്ചു.
സംഭവത്തിൽ ആറ്റിങ്ങൽ വേലാംകൊണം ശിവശക്തി വീട്ടിൽ റപ്പായി എന്ന് വിളിക്കുന്ന ശ്രീനാഥ്( 26), അഞ്ചുതെങ് അരിവാളം ലക്ഷ്മി വിലാസം വീട്ടിൽ ജഗ്ഗു എന്ന് വിളിക്കുന്ന വിഷ്ണു( 22) എന്നിവരെ ചിറയിൻകീഴ് പൊലീസ് അറസ്റ്റ് ചെയ്തു.കവിതയുടെ മകളുടെ ഭർത്താവാണ് ഒന്നാം പ്രതിയായ ശ്രീനാഥ്. ഭാര്യ പിണങ്ങി അമ്മയുടെ വീട്ടിലേക്ക്‌ മടങ്ങിയതിലുള്ള വിരോധമാണ് പടക്കമേറിൽ കലാശിച്ചത്. ശ്രീനാഥും സുഹൃത്ത് വിഷ്ണുവും കൂടിയാണ് ഒരു ബൈക്കിൽ എത്തി അക്രമം നടത്തിയത്
