ആറ്റിങ്ങൽ: വീട്ടിൽ കയറി യുവാവിനെ മർദ്ദിച്ച കേസിൽ രണ്ട് പേർ പിടിയിൽ . ഇളമ്പ കരിക്കകം കുന്ന് ചരുവിള പുത്തൻ വീട്ടിൽ മനീഷ് (26) ശ്രീരാജ് (24) എന്നിവരെയാണ് ആറ്റിങ്ങൽ പൊലീസ് പിടികൂടിയത്.
കരിക്കകം കുന്ന് സ്വദേശി ബിനുവിനെ വീട്ടിൽ കയറി ദേഹോപദ്രവം ഏൽപ്പിച്ച കേസിലാണ് അറസ്റ്റ്. ആറ്റിങ്ങൽ എസ്.എച്ച്.ഒ തൻസിം അബ്ദുൾ സമദിന്റെ നിർദ്ദേശപ്രകാരം എസ്.ഐ അനുപ് , എ.എസ്.ഐ രാജീവൻ, എസ്.സി.പി.ഒ ബിജു എസ്.പിള്ള , സി.പി.ഒ മാരായ നിയാസ്, നിധിൻ എന്നിവരടങ്ങിയ സംഘമാണ് പ്രതികളെ പിടികൂടിയത്.
അറസിറ്റിലായവർ നിരവധി കേസിലെ പ്രതികളാണെന്ന് പൊലീസ് പറഞ്ഞു. കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.