പോത്തൻകോട് : പൂലന്തറ ജങ്ഷനിലെ വളവിൽ ലോറിയും എതിരേവന്ന ബൈക്കും കൂട്ടിയിടിച്ച് യുവാവ് മരിച്ചു.ഒരാൾക്ക് ഗുരുതരമായി പരിക്കേറ്റു. കാട്ടായിക്കോണം പട്ടാരി കോട്ടുകുടിവീട്ടിൽ അശോക് കുമാർ-ശോഭ ദമ്പതിമാരുടെ മകൻ വിഷ്ണു (19) ആണ് മരിച്ചത്.
ഗുരുതരമായി പരിക്കേറ്റ കാട്ടായിക്കോണം വായനശാലയ്ക്കു സമീപം താമസിക്കുന്ന വിഷ്ണു (20)വിനെ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.ചൊവ്വാഴ്ച രാത്രി എട്ടരയ്ക്കായിരുന്നു അപകടം. പോത്തൻകോട്ടെ ഫാൻസി കടയിലെ ജീവനക്കാരാണ് ഇരുവരും.
