ചിറയിൻകീഴ്: പത്താം ക്ലാസ് വിദ്യാർഥിനി ആത്മഹത്യ ചെയ്ത സംഭവത്തിൽ യുവാവിനെതിരേ ചിറയിൻകീഴ് പോലീസ് പോക്സോ കുറ്റം ചുമത്തി കേസെടുത്തു.
വിദ്യാർഥിനിയുടെ മരണത്തിൽ ചിറയിൻകീഴ് സ്വദേശിയായ യുവാവിനു പങ്കുണ്ടെന്ന് കുടുംബം ആരോപിച്ചിരുന്നു. തുടർന്ന് ചിറയിൻകീഴ് പോലീസ് നടത്തിയ അന്വേഷണത്തിൽ പെൺകുട്ടിയുടെ സുഹൃത്തായിരുന്ന യുവാവിനെതിരേ തെളിവു ലഭിച്ചിരുന്നു.
മൊബൈൽ ചാറ്റിങ് ഉൾപ്പെടെയുള്ള സാഹചര്യങ്ങൾ തെളിവായി പോലീസ് ശേഖരിച്ചിരുന്നു. തുടർന്നാണ് യുവാവിനെതിരേ പോക്സോ, ആത്മഹത്യാപ്രേരണ കുറ്റങ്ങൾ ചുമത്തി പോലീസ് കേസെടുത്തത്.
കഴിഞ്ഞ മാസം 20-നാണ് പതിനാറ് വയസ്സുകാരി വീട്ടിലെ ശൗചാലയത്തിൽ തൂങ്ങിമരിച്ചനിലയിൽ കണ്ടെത്തിയത്.കുട്ടിക്ക് എസ്.എസ്.എൽ.സി. പരീക്ഷയിൽ മുഴുവൻ വിഷയങ്ങൾക്കും എപ്ലസ് ലഭിച്ചിരുന്നു
