വിതുര : കഴിഞ്ഞ ഞായറാഴ്ച പൊന്നാംചുണ്ട് പാലത്തിൽനിന്ന് സ്കൂട്ടറുൾപ്പെടെ വാമനപുരം ആറ്റിലേക്കു വീണ് കാണാതായ ആളിന്റെ മൃതദേഹം കണ്ടെത്തി.
വിതുര മുസാവരി ശ്രീകൃഷ്ണ ക്ഷേത്രത്തിനു സമീപം ഹരിഭവനിൽ സോമന്റെ(62) മൃതദേഹമാണ് പൊന്നാംചുണ്ടിൽനിന്ന് മൂന്ന് കിലോമീറ്റർ മാറി ചെറ്റച്ചൽ മുതിയൻപാറ കടവിൽനിന്നു കണ്ടെത്തിയത്.
നാലു ദിവസം നീണ്ട തിരച്ചിലിനൊടുവിൽ സ്കൂബാ ടീമാണ് ബുധനാഴ്ച രാവിലെ മൃതദേഹം കണ്ടെത്തിയത്.