തിരുവനന്തപുരം : സ്മാർട്ട് സിറ്റി പദ്ധതിയുമായി ബന്ധപ്പെട്ട് ഓൾ ഇന്ത്യ റേഡിയോ റോഡിൽ ജലഅതോറിറ്റിയുടെ അറ്റകുറ്റപ്പണി നടക്കുന്നതിനാൽ നാളെയും മറ്റന്നാളും ജലവിതരണം തടസ്സപ്പെടും.
ജല അതോറിറ്റി ബ്രാഞ്ച് ലൈനുകൾ ആൽത്തറ വഴുതക്കാട് റോഡിൽ പുതുതായി സ്ഥാപിച്ച ലൈനുമായി ബന്ധിപ്പിക്കുന്ന പണിയാണ് നടത്തുന്നത്. നാളെ രാവിലെ 8 മുതൽ മറ്റന്നാൾ രാവിലെ 8 വരെയാണ് ജലവിതരണം തടസ്സപ്പെടുന്നത്. 30 പ്രദേശങ്ങളിലാണ് ജലവിതരണം മുടങ്ങുന്നത്.
പാളയം, സ്റ്റാച്യു, എംജി റോഡ്, സെക്രട്ടേറിയറ്റ്, പുളിമൂട്, എകെജി സെന്ററിന് സമീപത്തെ പ്രദേശങ്ങൾ, പിഎംജി, ലോ കോളജ്, കുന്നുകുഴി, വെള്ളയമ്പലം, ആൽത്തറ, സിഎസ്എം നഗർ പ്രദേശങ്ങൾ, വഴുതക്കാട്, കോട്ടൺഹിൽ, ഡിപിഐ ജംക്‌ഷൻ പ്രദേശങ്ങൾ, ഇടപ്പഴിഞ്ഞി, കെ. അനിരുദ്ധൻ റോഡ്, ജഗതി, തൈക്കാട്, മേട്ടുക്കട, വലിയശാല ഭാഗങ്ങളിൽ ജല വിതരണം പൂർണമായും തടസ്സപ്പെടും. ജനറൽ ആശുപത്രി, തമ്പുരാൻമുക്ക്, വഞ്ചിയൂർ, ഋഷിമംഗലം, ചിറകുളം, കുമാരപുരം, അണമുഖം, കണ്ണമൂല എന്നിവിടങ്ങളിൽ രണ്ടു ദിവസം ഭാഗികമായും ജല വിതരണത്തിൽ തടസ്സം നേരിടും
