തിരുവനന്തപുരം : യുഡിഎഫ് സര്ക്കാരിന്റെ പദ്ധതിയായ പ്രിയദര്ശിനി സൗജന്യ യാത്രാ പദ്ധതിക്കു തുടക്കമായി.
പദ്ധതി സ്ത്രീകള്ക്കുള്ള ഔദാര്യമല്ലെന്നും ആദരവാണെന്നും നിറകണ്ണുകളോടെയാണ് ചരിത്രപദ്ധതിക്കു തുടക്കം കുറിക്കുന്നതെന്നും മുഖ്യമന്ത്രി വി.ഡി.സതീശന് പറഞ്ഞു.
തമ്പാനൂര് ടെര്മിനലില് നടന്ന ഉദ്ഘാടനച്ചടങ്ങില് ഗതാഗത മന്ത്രി സി.പി.ജോണ് അധ്യക്ഷത വഹിച്ചു. ചടങ്ങില് രണ്ടു പേര്ക്കു മുഖ്യമന്ത്രി തന്നെയാണ് സൗജന്യയാത്രയുടെ ആദ്യടിക്കറ്റുകള് കൈമാറിയത്. തുടര്ന്ന് തമ്പാനൂരിൽ നിന്നുള്ള ആദ്യയാത്രയില് മുഖ്യമന്ത്രിയും ഗതാഗതമന്ത്രിയും പങ്കെടുത്തു.
കെഎസ്ആര്ടിസിയില് പിഎസ് സി വഴി നിയമനം ലഭിച്ച ആദ്യ വനിതാ ഡ്രൈവര് ആയ പെരുമ്പാവൂര് ഡിപ്പോയിലെ വി.പി.ഷീലയാണ് ആദ്യയാത്രയില് സാരഥിയായത്. ജയകുമാരി ആയിരുന്നു കണ്ടക്ടര്.
