അന്തരിച്ച മുന് വനിതാ കമ്മീഷന് അധ്യക്ഷയും മുതിര്ന്ന സിപിഎം നേതാവുമായ എംസി ജോസഫൈന്റെ മൃതദേഹം കളമശ്ശേരി മെഡിക്കല് കോളജിന് കൈമാറും. മൃതദേഹം വിട്ടുകൊടുക്കണമെന്ന് നേരത്തെ തീരുമാനിച്ചതിന്റെ ഭാഗമായിട്ടാണിത്. നിശ്ചയിച്ച പൊതു ദര്ശനങ്ങളെല്ലാം പൂര്ത്തിയാക്കിയതിന് ശേഷം തിങ്കളാഴ്ച രണ്ട് മണിയോടെ മൃതദേഹം മെഡിക്കല് കോളജിന് കൈമാറും.
പാര്ട്ടി കോണ്ഗ്രസിനിടെ കുഴഞ്ഞ് വീണതിനെ തുടര്ന്ന് കണ്ണൂര് എകെജി ആശുപത്രിയില് വെന്റിലേറ്ററിലായിരുന്ന ജോസഫൈന് ഞായറാഴ്ച ഒരു മണിയോടെയാണ് മരിച്ചത്. പാര്ട്ടി കോണ്ഗ്രസിനോടനുബന്ധിച്ചുള്ള വളണ്ടിയര് പരേഡിന് ശേഷം മൃതദേഹവുമായുള്ള ആംബുലന്സ് വൈകീട്ട് അഞ്ചിന് എറണാകുളത്തേക്ക് പുറപ്പെടും. രാത്രി 11 മണിയോടെ വൈപ്പിനിലെ വസതിയിലേക്കെത്തിക്കും.
