തിരുവനന്തപുരത്ത് ജലവിതരണം മുടങ്ങും

തിരുവനന്തപുരം: വെള്ളയമ്പലം- കവടിയാർ റോഡിൽ രാജ് ഭവന് എതിർവശത്തായി പ്രധാന കുടിവെള്ള പൈപ്പ് ലൈനിൽ രൂപപ്പെട്ടിട്ടുള്ള ചോർച്ച പരിഹരിക്കുന്നതിനായി ഈ ലൈനിലൂടെയുള്ള ജലവിതരണം നിർത്തി വയ്ക്കുന്നതിനാൽ 06.02.2023 തിങ്കളാഴ്ച രാത്രി 9 മണി മുതൽ 07.02.2023 ചൊവ്വാഴ്ച ഉച്ചയ്ക്ക് 12 മണി വരെ വെള്ളയമ്പലം, ശാസ്തമംഗലം, പൈപ്പിന്മൂട്, ഊളമ്പാറ, കവടിയാർ, ജവഹർ നഗർ, നന്തൻകോട്, കുറവൻകോണം, അമ്പലമുക്ക്, മരപ്പാലം, മുട്ടട, പട്ടം, മുറിഞ്ഞപാലം, കുമാരപുരം, മെഡിക്കൽ കോളേജ് എന്നീ പ്രദേശങ്ങളിൽ ജലവിതരണം തടസ്സപ്പെടുന്നതാണ്.

പൊതുജനങ്ങൾ ഇതൊരു അറിയിപ്പായി കണക്കാക്കി ആവശ്യമായ മുൻകരുതലുകൾ സ്വീകരിച്ച് സഹകരിക്കണമെന്ന് കേരള വാട്ടർ അതോറിറ്റി പബ്ലിക് ഹെൽത്ത് (നോർത്ത്) ഡിവിഷൻ എക്സിക്യൂട്ടിവ് എൻജിനിയർ അറിയിച്ചു.