തിരുവനന്തപുരം: നിരവധി ക്രിമിനൽ കേസ്സുകളിലുപെട്ടയാളെ കാപ്പ നിയമപ്രകാരം കരുതൽ തടങ്കലിൽ പാർപ്പിക്കുന്നതിനായി പിടികൂടി. കുടപ്പനകുന്ന്, പാതിരപള്ളി, ഇളയംപള്ളിക്കോണം പാറയിൽവീട്ടിൽ ദിനു എന്നു വിളിക്കുന്ന പ്രമോദ് (29 )നെയാണ് പേരൂടക്കട പോലീസ് അറസ്റ്റ് ചെയ്തത്.
പേരൂടക്കട പോലീസ് സ്റ്റേഷൻ പരിധിയിലും മ്യൂസിയം സ്റ്റേഷൻ പരിധിയിലും അടിപിടി, അക്രമം, പിടിച്ചുപറി, വധശ്രമം തുടങ്ങിയ നിവധി സാമൂഹ്യ വിരുദ്ധ പ്രവർത്തനങ്ങൾ നടത്തിയതിലേയ്ക്ക് ഏഴോളം കേസിൽ പ്രതിയായ ഇയാളെ ജില്ലാ കളക്ടറുടെ കാപ്പ ഉത്തരവ് പ്രകാരമാണ് അറസ്റ്റ് ചെയ്തത്.
പേരൂടക്കട പോലീസ് സ്റ്റേഷൻ എസ്.എച്ച്.ഒ ശ്രീ.സൈജുനാഥിന്റെ നേതൃത്വത്തിൽ എസ്.ഐ സന്ദീപ്, സി.പി.ഒ മാരായ ശരത്ചന്ദ്രൻ, ബിനുകുമാർ എന്നിവരടങ്ങിയ പോലീസ് സംഘമാണ് ഇയാളെ അറസ്റ്റ് ചെയ്തത്.
