കോവളം: വിദേശ പൗരനുനേരേ കോവളത്ത് ആക്രമണം. നെതർലൻഡ് സ്വദേശി കാൽവിൻ സ്കോൾട്ടനെയാണ് കോവളത്തെ ടാക്സി ഡ്രൈവർ കൈയേറ്റം ചെയ്തത്. വിഴിഞ്ഞം ടൗൺഷിപ്പ് ടി.സി. 454- ൽ ഷാജഹാനെ (40) കോവളം പോലീസ് അറസ്റ്റുചെയ്തു.
കാൽവിൻ സ്കോൾട്ടന്റെ ചുണ്ടിലാണ് ഇടിയേറ്റത്. സ്വകാര്യ കാറിൽ അച്ഛനോടൊപ്പം യാത്ര ചെയ്യാൻ എത്തിയ വിദേശ പൗരനെയാണ് കോവളത്തെ ടാക്സി ഡ്രൈവർ ബൈക്കുകൊണ്ട് തടഞ്ഞു നിർത്തുകയും മർദിക്കുകയും ചെയ്തത്.
