ആറ്റിങ്ങല്: നിരവധി കേസുകളിൽ പ്രതിയായ കുപ്രസിദ്ധ മോഷ്ടാവ് ചിഞ്ചിലം സതീഷ് പിടിയിൽ. വിവാഹച്ചടങ്ങിനെത്തിയ സ്ത്രീയുടെ സ്കൂട്ടിയില് നിന്ന് ഒന്നേകാല് ലക്ഷം രൂപ മോഷ്ടിച്ച കേസിലാണ് അറസ്റ്റ്.
സിസിടിവി ദൃശ്യങ്ങൾ പരിശോധിച്ച് നടത്തിയ അന്വേഷണത്തിലാണ് കോട്ടയം മെഡിക്കല് കോളജ് പരിസരത്തുനിന്ന് ഇയാൾ അറസ്റ്റിലാവുന്നത്.
കഴിഞ്ഞ 19 നാണ് ആറ്റിങ്ങല് ആലംകോട് സ്വദേശിനിയായ സ്ത്രീയുടെ സ്കൂട്ടിയില്നിന്ന് പണം മോഷ്ടിച്ചത്. ഓഡിറ്റോറിയത്തിന് മുന്നില് നിര്ത്തിയിട്ട വാഹനത്തില് നിന്ന് കള്ളത്താക്കോല് ഉപയോഗിച്ച് പണം മോഷ്ടിക്കുകയായിരുന്നു