തിരുവനന്തപുരം :ജലഅതോറിറ്റിയുടെ വെള്ളയമ്പലത്തുള്ള ശുദ്ധീകരണശാലയിലെ മൂന്നു ശുദ്ധജല സംഭരണികളിൽ തുടർച്ചയായ 3 ദിവസങ്ങളിൽ ശുചീകരണ പ്രവർത്തനങ്ങൾ നടത്തുന്നതിനാൽ നഗരത്തിലെ വിവിധ പ്രദേശങ്ങളിൽ നാളെ മുതൽ ബുധൻ വരെ ജലവിതരണം ഭാഗികമായി മുടങ്ങും.നാളെ മുതലാണ് ശുചീകരണ പ്രവർത്തനങ്ങൾ ആരംഭിക്കുക.
കുര്യാത്തി, പാറ്റൂർ സെക്ഷൻ പരിധിയിൽ വരുന്ന തമ്പാനൂർ, ഫോർട്ട്, ശ്രീവരാഹം, ചാല, വലിയശാല, കുര്യാത്തി, മണക്കാട്, ആറ്റുകാൽ, വള്ളക്കടവ്, മുട്ടത്തറ, കമലേശ്വരം, അമ്പലത്തറ, കളിപ്പാൻകുളം, പെരുന്താന്നി, ശ്രീകണ്ഠേശ്വരം തുടങ്ങിയ വാർഡുകളിലും പാറ്റൂർ സെക്ഷൻ പരിധിയിൽ വരുന്ന കൈതമുക്ക് പാസ്പോർട്ട് ഓഫിസിന്റെ ചുറ്റുമുള്ള സ്ഥലങ്ങൾ, ചമ്പക്കട എന്നീ പ്രദേശങ്ങളിലാണ് ജലവിതരണം ശുദ്ധജലവിതരണം ഭാഗികമായി തടസ്സപ്പെടുന്നത്.