നെയ്യാറ്റിൻകര: നെയ്യാറ്റിൻകര മേലേ തെരുവ് മുത്താരമ്മൻ ദേവി ക്ഷേത്രത്തിലെ അമ്മൻകൊട മഹോത്സവത്തിനോടനുബന്ധിച്ച് ഇന്ന് വൈകിട്ട് 4 മുതൽ 10 വരെ ഗതാഗത നിയന്ത്രണം ഉണ്ടായിരിക്കും.
ഈ സമയങ്ങളിൽ ടി.ബി ജംഗ്ഷനിൽ നിന്നും നെയ്യാറ്രിൻകര കെ.എസ്.ആർ.ടി.സി ബസ്റ്റാൻഡ് ജംഗ്ഷൻ വരെ ഗതാഗത നിയന്ത്രണം ഉണ്ടായിരിക്കും.
പാറശാല ഭാത്തു നിന്ന് തിരുവനന്തപുരം ഭാഗത്തേക്ക് വരുന്ന എല്ലാ വാഹനങ്ങളും ഉദിയൻകുളങ്ങര ജംഗ്ഷനിൽ നിന്ന് വട്ടവിള, പിരായുംമൂട്,ഓലത്താണി, കൊടങ്ങാവിള, അവണാകുഴി, വഴിമുക്ക് ഭാഗം വഴി തിരുവനന്തപുരത്തേക്ക് പോകേണ്ടതാണ്.
അമരവിള ഭാഗം വഴി സഞ്ചരിക്കുന്ന വാഹനങ്ങൾ അമരവിള സി.എസ്.ഐ ചർച്ച് ജംഗ്ഷനിൽ നിന്ന് പിരായുംമൂട്, ഓലത്താണി,കൊടങ്ങാവിള,വഴിമുക്ക് ഭാഗം വഴി തിരുവനന്തപുരം ഭാഗത്തേക്ക് പോകേണ്ടതാണ്.
തിരുവനന്തപുരം ഭാഗത്തുനിന്ന് നെയ്യാറ്റിൻകര ഭാഗത്തേക്ക് സഞ്ചരിക്കുന്ന ലൈറ്റ് മോട്ടോർസൈക്കിൾ വാഹനങ്ങൾ വഴിമുക്ക് ജംഗ്ഷനിൽ നിന്ന് അവണാകുഴി,ഓലത്താണി ,പിരായുംമൂട് വഴി സഞ്ചരിക്കേണ്ടതാണ്.
