തിരുവനന്തപുരം : അമ്പലത്തറ വാർഡിലെ തോട്ടം റെസിഡെൻസ്‌ അസോസിയേഷൻ പരിധിയിൽ സ്‌കൂൾ വിദ്യാർഥിനിയെ പേപ്പട്ടി കടിച്ചു.
അമ്പലത്തറ തോട്ടം റെസിഡെൻസ്‌ അസോസിയേഷൻ സി-27 ൽ ഗോപകുമാറിന്റെയും സുചിത്രയുടെയും മകളായ ആദ്‌വികയ്ക്കാണ് പേപ്പട്ടിയുടെ കടിയേറ്റത്.
പൂങ്കുളം ഹോളി സ്പിരിറ്റ് സ്‌കൂളിലെ മൂന്നാം ക്ലാസ് വിദ്യാർഥിയാണ്. ബുധനാഴ്ച രാവിലെ 7.45 ഓടെ സ്‌കൂൾ വാഹനത്തിൽ കയറാൻ നടന്നു പോകുമ്പോഴായിരുന്നു സംഭവം. തുടർന്ന് വഴിയാത്രക്കാരെയും പട്ടി കടിക്കാനോടിച്ചു.
കാലിൽ മുറവേറ്റ കുട്ടിയെ ആശുപത്രിയിൽ എത്തിച്ച്‌ ചികിത്സ നൽകി
