തിരുവനന്തപുരം: തിരുവനന്തപുരം മൃഗശാലയിൽ ജീവനക്കാരനെ കടുവ ആക്രമിച്ചു.
വെള്ളം ഒഴിച്ച് കൊടുക്കുന്നതിനിടെയാണ് ആക്രമണം ഉണ്ടായത്. സൂപ്പർവൈസർ രാമചന്ദ്രനാണ് ആക്രമണത്തിൽ പരിക്കേറ്റത്.
തലയ്ക്ക് പരിക്കേറ്റ രാമചന്ദ്രന് നാല് തുന്നലുണ്ട്. വയനാട് നിന്ന് പിടികൂടി മൃഗശാലയിൽ എത്തിച്ച കടുവയാണ് ആക്രമിച്ചത്.
രാമചന്ദ്രൻ തിരുവനന്തപുരം ജനറൽ ഹോസ്പിറ്റലിലും പിന്നീട് മെഡിക്കൽ കോളേജിലും ചികിത്സ തേടിയ ശേഷം വീട്ടിലേക്ക് മടങ്ങി.
