പാറശ്ശാല: കോളേജ് വിദ്യാർഥിനിക്ക് നേരേ നഗ്നതാ പ്രദർശനം നടത്തിയെന്ന പരാതിയിൽ പോലീസുകാരൻ പിടിയിൽ.
വയനാട് മീനങ്ങാടി പോലീസ് സ്‌റ്റേഷനിലെ സിപിഒ, കുന്നത്തുകാൽ മൂവേരിക്കരയിൽ മണ്ണംകോട് കാർത്തിക ഭവനിൽ രഞ്ജിത്ത് (41) ആണ് പാറശ്ശാല പോലീസിന്റെ പിടിയിലായത്.
കഴിഞ്ഞ 19-ാം തീയതി കോളേജിലേക്ക് പോവുകയായിരുന്ന വിദ്യാർഥിനിക്ക് നേരേ റോഡരികിൽ പാർക്ക് ചെയ്തിരുന്ന കാറിൽ ഇരുന്നാണ് നഗ്നതാ പ്രദർശനം നടത്തിയത്.
കാറിന്റെ നമ്പർ കേന്ദ്രീകരിച്ച് നടത്തിയ അന്വേഷണത്തിലാണ് കാർ ഉടമയായ പോലീസുകാരൻ പിടിയിലായത്. പ്രതിയെ പെൺകുട്ടി തിരിച്ചറിഞ്ഞു.
