തിരുവനന്തപുരം : കാറിടിച്ച് ഗുരുതരമായി പരിക്കേറ്റ കാൽനടയാത്രക്കാരി മരിച്ചു.
തിരുമല വേട്ടമുക്ക് തൃചക്രപുരം പാറകോവിലിനു സമീപം മാധഭവനിൽ വിജയമ്മ(71)യാണ് മരിച്ചത്. വെള്ളിയാഴ്ച രാവിലെ 11.30ഓടെ വേട്ടമുക്കിലായിരുന്നു അപകടം.
വീട്ടിൽനിന്നു സാധനം വാങ്ങാൻ കടയിലേക്കു പോവുകയായിരുന്നു വിജയമ്മ. തിരുമല ഭാഗത്തേക്കു പോവുകയായിരുന്ന കാർ ഒരുവശത്ത് നിർത്തിയിട്ട കാറിലും നടന്നുപോകുകയായിരുന്ന വിജയമ്മയെയും ഇടിക്കുകയായിരുന്നു.
ഇടിയുടെ ആഘാതത്തിൽ തെറിച്ചുവീണ് കാലിനും കൈയ്ക്കും ഗുരുതരമായി പരിക്കേറ്റിരുന്നു. മെഡിക്കൽ കോളേജിൽ ചികിത്സയിലിരിക്കേ വെള്ളിയാഴ്ച രാത്രിയോടെയായിരുന്നു അന്ത്യം.
