തിരുവനന്തപുരം:മെഡിക്കൽ കോളേജ് ആശുപത്രി വളപ്പിലെ റോഡിലൂടെ രാത്രി സുഹൃത്തുക്കൾക്കൊപ്പം നടന്നു പോയ വനിതാ ഹൗസ് സർജനു നേരെ ലൈംഗിക അതിക്രമം. യുവതിയെ പിന്നിൽനിന്നു കടന്നുപിടിച്ച് രക്ഷപ്പെട്ടയാളെ ആശുപത്രിയിലെ കൂട്ടിരിപ്പുകാർ ഓടിച്ചിട്ട് പിടികൂടി പൊലീസിന് കൈമാറി.
വെഞ്ഞാറമൂട് മുക്കുന്നോർ കുഴിവിള കോളനിയിൽ ജയൻ(34)ആണ് അറസ്റ്റിലായത്. ഇയാൾക്ക് എതിരെ ഐപിസി 354എ(1), 506, ആശുപത്രി ജീവനക്കാർക്ക് എതിരായ അതിക്രമങ്ങൾ തടയൽ നിയമത്തിലെ 3,4 എന്നീ വകുപ്പുകൾ ചുമത്തി. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.