തിരുവനന്തപുരം: ബസ്സിന്റെ ബാറ്ററികൾ മോഷണം ചെയ്തെടുത്ത പ്രതിയെ പോലീസ് പിടികൂടി. പേയാട് ചെന്നാട്ടുകോണം രാജി ഭവനില് രാജീവ് (32)നെയാണ് കരമന പോലീസ് അറസ്റ്റ് ചെയ്തത്.
കരമന കാലടി ഹോമിയോ കോളേജിന് എതിർവശം എൻജിൻ തകരാറു കാരണം ഒതുക്കിയിട്ടിരുന്ന പ്രൈവറ്റ് ബസ്സിന്റെ 18000/- രൂപയോളം വില വരുന്ന രണ്ട് ബാറ്റികൾ മോഷണം ചെയ്തെടുത്ത കേസിലാണ് ഇയാളെ പോലീസ് പിടികൂടിയത്.
ഫോര്ട്ട് അസിസ്റ്റന്റ് കമ്മീഷണര് ഷാജിയുടെ നിര്ദ്ദേശ പ്രകാരം കരമന എസ്.എച്ച്.ഒ സുജിത്ത്, എസ്.ഐ സന്തു, സി.പി.ഒമാരായ ജീത്ത് കുമാര്, ഷിബു, രജിത്ത് എന്നിവർ ചേര്ന്നാണ് പ്രതിയെ അറസ്റ്റ് ചെയ്തത്.