Search
Close this search box.

അങ്കണവാടിയിൽ കുട്ടിയെ ആയ അടിച്ചും നുള്ളിയും പരിക്കേൽപ്പിച്ചതായി പരാതി

IMG_20230324_120727_(1200_x_628_pixel)

പാറശ്ശാല : അങ്കണവാടിയിലെത്തിയ മൂന്നരവയസ്സുകാരനെ ആയ അടിച്ചും നുള്ളിയും പരിക്കേൽപ്പിച്ചതായി പരാതി. രക്ഷിതാക്കളുടെ പരാതിയിൽ അങ്കണവാടി ആയ സിന്ധുവിന്റെപേരിൽ പൊഴിയൂർ പോലീസ് കേസെടുത്തു.

കാരോട് ചാരോട്ടുകോണം വാർഡിലെ അങ്കണവാടിയിലാണ്‌ സംഭവം. ഒരുവർഷം മുമ്പ് ഹൃദയസംബന്ധമായ അസുഖത്തിന് ശസ്ത്രക്രിയ കഴിഞ്ഞ് ചികിത്സതുടരുന്ന കുട്ടിക്കാണ് ദുരനുഭവമുണ്ടായത്.

ബുധനാഴ്ച വൈകീട്ട് മൂന്നരയ്ക്ക്‌ അമ്മ അങ്കണവാടിയിൽ എത്തിയപ്പോൾ കുട്ടി കരഞ്ഞ്‌ അവശനിലയിലായിരുന്നു. ജലദോഷമുള്ളതിനാലാണ് കുട്ടി കരയുന്നതെന്നാണ് ആയ പറഞ്ഞത്. വീട്ടിലെത്തിയശേഷം കുട്ടിയുടെ വസ്ത്രം മാറ്റിയപ്പോഴാണ്‌ കാലുകളിൽ അടികൊണ്ട് തിണർത്ത പാടുകൾ കണ്ടത്.

ഡോക്ടർ ശരീരത്തിലെ പാടിനെക്കുറിച്ച് ചോദിച്ചപ്പോൾ കുട്ടിക്ക് അങ്കണവാടിയിൽവെച്ച് അടിയേറ്റതായി രക്ഷിതാക്കൾ പറഞ്ഞു. തുടർന്ന് ആശുപത്രിയിൽനിന്ന് പോലീസിന് വിവരം കൈമാറുകയായിരുന്നു. തുടർന്ന് രക്ഷിതാക്കൾ പൊഴിയൂർ പോലീസ് സ്റ്റേഷനിലെത്തി പരാതി നൽകി.

Facebook
Twitter
LinkedIn
Telegram
WhatsApp
Print
Facebook
Twitter
Telegram
WhatsApp
Search

Latest News

More Popular

error: Content is protected !!