ചിറയിൻകീഴ് : മുതലപ്പൊഴിയിൽ ശക്തമായ തിരയിൽപ്പെട്ട് ഒരു വള്ളം മറിയുകയും ഒരു വള്ളം രണ്ടായി പിളരുകയും ചെയ്തു.
ശനിയാഴ്ച രാവിലെയാണ് ഇരുവള്ളങ്ങളും അപകടത്തിൽപ്പെട്ടത്. രാവിലെ 5.30-ന് നടന്ന അപകടത്തിൽ കടലിലേക്കു വീണ മത്സ്യത്തൊഴിലാളിയെ മറ്റ് വള്ളക്കാർ രക്ഷപ്പെടുത്തി.
രാവിലെ 6.30-ന് നടന്ന അപകടത്തിൽ ശക്തമായ തിരയിൽ ഉയർന്നുപൊങ്ങിയ വള്ളം വെള്ളത്തിലടിച്ച് വള്ളത്തിന്റെ മുൻഭാഗം അടർന്ന് കടലിൽ വീണു. പിന്നീട് ഈ വള്ളം കരയ്ക്കടുപ്പിച്ചു.
