കല്ലറ : ഗൃഹനാഥൻ കിണറ്റിൽവീണു മരിച്ചു. കല്ലറ തണ്ണിയം കിഴക്കുംകര പുത്തൻവീട്ടിൽ വാസു(60) ആണ് മരിച്ചത്.
തിങ്കളാഴ്ച രാവിലെ 10-ന് വാസുവിനെ കിണറിനുള്ളിൽ അവശനിലയിൽ കണ്ടെത്തുകയായിരുന്നു. തുടർന്ന് കടയ്ക്കലിൽനിന്ന് അഗ്നിരക്ഷാസേനയെത്തി പുറത്തെടുത്തു.
കല്ലറയിലെ സ്വകാര്യ ആശുപത്രിയിൽ പ്രവേശിപ്പിച്ചെങ്കിലും മരണം സംഭവിച്ചിരുന്നു.മണ്ണുകൊണ്ട് നിർമിച്ച ഉയരം കുറഞ്ഞ ആൾമറയാണ് കിണറിനുണ്ടായിരുന്നത്. അബദ്ധത്തിൽ കിണറ്റിൽ വീണതാകാം എന്നാണ് പ്രാഥമിക നിഗമനം.