തിരുവനന്തപുരം: വഞ്ചിയൂര് പാല്ക്കുളങ്ങരയില് പട്ടാപ്പകല് യുവാവിനെ വെട്ടിക്കൊലപ്പെടുത്തിയ കേസില് മണിക്കൂറുകള്ക്കകം നാലു പ്രതികളും പൊലീസ് പിടിയില്.
പുലയനാര് കോട്ടയ്ക്ക് സമീപത്ത് നിന്നാണ് ഇവരെ പിടികൂടിയത്. ചമ്പക്കട സ്വദേശി വിശാഖ് ആണ് കൊല്ലപ്പെട്ടത്. അയല്വാസിയും സുഹൃത്തുമായ ചമ്പക്കട സ്വദേശി പ്രദീപാണ് കേസിലെ മുഖ്യപ്രതി.
അതിര്ത്തിത്തര്ക്കത്തിന്റെ പേരിലാണ് കൊലപാതകമെന്നാണ് പൊലീസിന്റെ പ്രാഥമിക നിഗമനം. പ്രതികളെ ചോദ്യം ചെയ്യുന്നതോടെ കൊലപാതകത്തിന് പിന്നിലെ യഥാര്ഥ കാരണം വ്യക്തമാകും എന്നാണ് പൊലീസ് പറയുന്നത്. പ്രദീപിനെ വെട്ടിപ്പരിക്കേല്പ്പിച്ച കേസിലെ പ്രതിയാണ് വിശാഖ്. ഈ പകയാണ് കൊലപാതകത്തിന് കാരണമെന്നാണ് പൊലീസിന്റെ പ്രാഥമിക നിഗമനം.
