വർക്കല: വിവാഹം കഴിഞ്ഞ് 11–ാം നാൾ നവവധുവിനെ വീട്ടിൽ തൂങ്ങിമരിച്ച നിലയിൽ കണ്ടെത്തി.
തച്ചോട് പൈപ്പിൻമൂടിനുസമീപം ‘തണൽ’ വീട്ടിൽ ജിഷ (30)യാണ് മരിച്ചത്. വെള്ളി പകൽ 11.30ഓടെയാണ് ജിഷയെ വീട്ടിൽ തൂങ്ങിയനിലയിൽ കണ്ടത്.
നാട്ടുകാർ കയർ അറുത്തുമാറ്റി ഉടൻ വർക്കല താലൂക്ക് ആശുപത്രിയിൽ എത്തിച്ചെങ്കിലും മരിച്ചു.
ജിഷയുടെ ആദ്യ ഭർത്താവ്‌ ശരത്ത് ഒന്നരവർഷംമുമ്പ് വിദേശത്ത്‌ വാഹനാപകടത്തിൽ മരിച്ചു. ഇവർക്ക്‌ എട്ടും അഞ്ചും വയസ്സുള്ള പെൺമക്കളുണ്ട്. ഗുരുവായൂർ ക്ഷേത്രത്തിൽവച്ചായിരുന്നു വർക്കല സ്വദേശി അജി നടേശനുമായുള്ള രണ്ടാം വിവാഹം.
മൃതദേഹം വർക്കല താലൂക്ക് ആശുപത്രിയിലേക്ക് മാറ്റി. പോസ്റ്റ്‌മോർട്ടത്തിനുശേഷം തുടർനടപടികൾ സ്വീകരിക്കുമെന്ന് പൊലീസ് അറിയിച്ചു.
(ശ്രദ്ധിക്കുക: നിങ്ങളോ നിങ്ങൾക്കറിയാവുന്ന ആരെങ്കിലുമോ കടുത്ത മാനസിക വിഷമതകളോ പ്രയാസങ്ങളോ അനുഭവിക്കുന്നുണ്ടെങ്കിൽ, ദയവായി സഹായം തേടുക. പിന്തുണയ്ക്കായി ദിശ ഹെൽപ്പ് ലൈൻ നമ്പറായ 1056 / 0471-2552056 എന്നതിലോ, ദേശീയ മാനസികാരോഗ്യ ഹെൽപ്പ് ലൈൻ നമ്പറായ 14416 എന്നതിലോ ബന്ധപ്പെടാം.)
