തിരുവനന്തപുരം : തിരുവനന്തപുരം അന്താരാഷ്ട്ര വിമാനത്താവളത്തിൽനിന്നുള്ള വിമാന സർവീസുകൾ 22 ശതമാനം കൂടും.
തിങ്കളാഴ്ചമുതൽ 2026 മാർച്ച് 28വരെയുള്ള മഞ്ഞുകാല ഷെഡ്യൂൾ കാലയളവിലാണ് സർവീസുകൾ വർധിക്കുന്നത്.
പ്രതിവാര വിമാന സർവീസുകൾ 732 ആയി ഉയരും. നിലവിലെ വേനൽക്കാല ഷെഡ്യൂളിൽ ഇത് 600 ആയിരുന്നു. നവി മുംബൈ, മംഗളൂരു, ട്രിച്ചി എന്നിവിടങ്ങളിലേക്കുകൂടി ഉടൻ പുതിയ സർവീസുകൾ തുടങ്ങും.
കണ്ണൂർ, കൊച്ചി, ബെംഗളൂരു, ഡൽഹി, മുംബൈ എന്നിവിടങ്ങളിലേക്ക് സർവീസുകളുടെ എണ്ണം കൂടും.
