വിഴഞ്ഞം: ബുള്ളറ്റ് മോഷണ കേസിലെ പ്രതിയെ ഉടമ പിൻതുടർന്ന് പിടികൂടി വിഴിഞ്ഞം പൊലീസിനു കൈമാറി. വിഴിഞ്ഞം സ്വദേശി കലാമിന്റെ ബുള്ളറ്റ് മോഷ്ടിച്ച പള്ളിച്ചൽ പുന്നമൂട് സ്വദേശി ബാലു(31) വാണ് അറസ്റ്റിലായതെന്ന് വിഴിഞ്ഞം പൊലീസ് അറിയിച്ചു.
വിഴിഞ്ഞത്തെ ഡ്രൈവിങ് സ്കൂളിനു മുന്നിൽ പാർക്ക് ചെയ്തിരുന്ന ബുള്ളറ്റ് ഞായറാഴ്ചയാണ് മോഷണം പോയത്. സമീപത്തെ സിസിടിവി ക്യാമറകൾ പരിശോധിച്ച് പ്രതിയെ തിരിച്ചറിഞ്ഞതിനെ തുടർന്ന് പനയറകുന്ന് ഭാഗത്ത് നിന്നു പിടികൂടി പൊലീസിൽ ഏൽപ്പിക്കുകയായിരുന്നു.