തിരുവനന്തപുരം : ഉപരാഷ്ട്രപതിയുടെ സന്ദർശനത്തോടനുബന്ധിച്ച് വെള്ളിയാഴ്ച ഉച്ചയ്ക്ക് ഒന്നുമുതൽ ശംഖുംമുഖം വിമാനത്താവളം മുതൽ ചാക്ക വരെയുള്ള റോഡിലും ചാക്ക മുതൽ കഴക്കൂട്ടം-കാര്യവട്ടം വരെയുള്ള റോഡിലും വാഹനഗതാഗതത്തിനു നിയന്ത്രണങ്ങൾ ഏർപ്പെടുത്തി.
റോഡിന് ഇരുവശങ്ങളിലും വാഹനങ്ങൾ പാർക്ക് ചെയ്യാൻ പാടില്ല. ആറ്റിങ്ങലിൽനിന്ന് തമ്പാനൂരിലേക്കു വരുന്ന വാഹനങ്ങൾ വെട്ടുറോഡ്, ചന്തവിള, കാട്ടായിക്കോണം, ചെമ്പഴന്തി, ശ്രീകാര്യം വഴിയും തിരിച്ചും പോകണം.
കോവളത്തുനിന്ന് ആഭ്യന്തര വിമാനത്താവളത്തിലേക്കു പോകുന്ന വാഹനങ്ങൾ മുട്ടത്തറ, കല്ലുംമൂട്, പൊന്നറപാലം, വലിയതുറ വഴി പോകണം.
അന്താരാഷ്ട്ര വിമാനത്താവളത്തിലേക്കു പോകുന്ന വാഹനങ്ങൾ ഈഞ്ചയ്ക്കലിൽനിന്നു തിരിഞ്ഞ് സർവീസ് റോഡ് വഴി പോകണം.
കോവളത്തുനിന്ന് കഴക്കൂട്ടം ഭാഗത്തേക്കു പോകേണ്ട വാഹനങ്ങൾ തിരുവല്ലം, കുമരിച്ചന്ത, ഈഞ്ചയ്ക്കൽ എന്നിവിടങ്ങളിൽനിന്നു തിരിഞ്ഞുപോകണം.