വിഴിഞ്ഞം :രാജ്യാന്തര തുറമുഖത്ത് പുലിമുട്ട് (ബ്രേക്ക്വാട്ടർ)ന്റെ നീളം 2000 മീറ്ററിലേക്ക് അടുക്കുന്നു. രാപകൽ നീളുന്ന നിർമാണ വേഗത്തിൽ കഴിഞ്ഞ ദിവസം വരെ 1730 മീറ്റർ പൂർത്തിയായി. ആകെ വേണ്ട നീളം 3.1 മീറ്റർ.തുറമുഖത്തെ സബ് സ്റ്റേഷൻ 22ന് ഉദ്ഘാടനം ചെയ്യും. ആദ്യ ഘട്ട പൂർത്തീകരണമെന്നോണം 2300 മീറ്റർ ദൂരം പൂർത്തിയാക്കുകയാണ് ലക്ഷ്യമിടുന്നതെന്ന് ബന്ധപ്പെട്ടവർ അറിയിച്ചു.
ഇത്രയും പൂർത്തിയാകുന്ന മുറയ്ക്ക് ആദ്യ കപ്പൽ എത്തിക്കാനാകുമെന്നാണ് കരുതുന്നത്. പൂർത്തിയാകുമ്പോൾ പുലിമുട്ട് ഉപരിതലം നിലവിലുള്ളതിനേക്കാൾ ഒന്നര മീറ്ററോളം പൊക്കത്തിലാവും. മുകൾ ഭാഗം കോൺക്രീറ്റ് നിർമിതിയിലുള്ള പാതയാക്കും.