തിരുവനന്തപുരം: അജ്ഞാത വാഹനമിടിച്ച് സ്കൂട്ടർ യാത്രക്കാരിയായ യുവതിക്ക് ദാരുണാന്ത്യം.
തിരുവനന്തപുരം കരകുളം പാലത്തിന് സമീപം ഇന്ന് രാവിലെ എട്ട് മണിയോടെയാണ് അപകടമുണ്ടായത്. നെടുമങ്ങാട് ആര്യനാട് പുതുക്കുളങ്ങര സ്വദേശി ഗീതയാണ് (37) മരിച്ചത്.
പേരൂർക്കട ഭാഗത്തേക്ക് പോകുകയായിരുന്നു ഗീത. ഇതിനിടെ അജ്ഞാത വാഹനം ഇടിച്ചുവീഴ്ത്തുകയായിരുന്നു. റോഡിൽ വീണ ഗീതയുടെ തലയ്ക്ക് ഗുരുതരമായി പരുക്കേറ്റു. നാട്ടുകാർ മെഡിക്കൽ കോളേജിൽ എത്തിച്ചെങ്കിലും ജീവൻ രക്ഷിക്കാനായില്ല.
